من أنا؟
أنا سعد ... إنسان مثلي مثلك! الفرق بيني و بينك إني اشوف الأشياء اللي حولي بقلبي مو بعيني ...أبصر بقلبي على عكسك عزيزي القارئ، انولدت أشوف الدنيا بلون واحد بس "أسود" و من غير تفاصيل للأشياء اللي أسمعها أو ألمسها لا شكل، لا تضاريس، و لا حدود. راح أساعدك تتخيل معاي، جربت مرة تحط قطعة من القماش على عيونك الثنتين و تمشي و انت مو شايف؟ وانت ماشي تصطدم بشيء و ترد تركز تركيز كبير علشان تعرف انت بأي طريق رايح؟ جربت تغطي عيونك بإيدينك الثنتين و تتخيل ان ألوان دنيتك صارت لون احد بس؟ وتتم مغطي عيونك لمدة أكثر من نص ساعة .. ساعة .. ساعتين .. ثلاث ساعات؟ مجرد تخيلك للأمر يوترك و يخوف صح؟ نفس الإحساس اللي حسيت فيه أول ما وعيت على هالدنيا..
طفولتي
كانوا يحاولون بشتى الطرق انهم يخلوني ما احتاج اسوي شيء بروحي ولا احتاج أعتمد على نفسي في كل وقت. بسبب معاملتهم لي بهالشكل و الطبيعة و الأسلوب صرت بنظر نفسي شخص متعود انه يحتاج. تعودت اني دايما أدور أحد يخليني أقدر أعيش يومي،لأني من دون أحد ما أقدر أعيشه!
المراهقة
